Të dhënat e INSTAT tregojnë për një ecuri pozitive të eksporteve produkteve bujqësore që u rritën me rreth 16% në sasi.
Rritja e prodhimit dhe eksporteve bujqësore është nxitur nga investimet në pikat e grumbullimit në magazina frigoriferike dhe në zinxhirët e eksportit.
Bujqësia është sektori më madh në ekonomi që kontribuon me rreth 20% të PBB-së së vendit ndaj dhe qeveria po intensifikon mbështetjen përmes Skemës Kombëtare me subvencione dhe adresimin e programit IPARD me fondet e BE-së dhe të qeverisë, që financon me grante fermerët dhe agropërpunuesit.
Studimet kanë treguar se financimi i bujqësisë ka ndikim më shpejt në ekonomi në raport me investimet e tjera kapitale. Ndërkohë që investimet në rrugë zgjasin me dekada dhe kthyeshmëria e investimit zgjat me vite, investimet në bujqësi përkthehen në prodhim brenda vitit.
Në këtë kontekst, buxheti adresuar Bujqësisë ka ardhur në rritje nga viti në vit.
Në këtë kontekst, buxheti adresuar Bujqësisë ka ardhur në rritje nga viti në vit.
Buxheti 2023 është më i larti ndonjëherë për bujqësinë dhe zhvillimin rural. Ai është ndërtuar për rezistencën ndaj inflacionit të luftës dhe zhvillimin e qëndrueshëm të sipërmarrjeve bujqësore.
Financimi për bujqësinë adreson mbështetje për rritjen e konkurrueshmërisë, vijueshmërinë në rritje të sistemeve prodhuese dhe rritjes së eksporteve në përputhje me objektivin e qeverisë për 1 miliard $ eksporte agroushqimore në 2030.
